“KHUTBAH PERTAMA
Penulis : Dr. Dian Rahmat Nugraha
السَّلَامُ عَلَيْكُمْ وَرَحْمَةُ اللهِ وَبَرَكَاتُهُ
إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ. أَشْهَدُ أَنْ لَا إِلَهَ إِلَّا اللَّهُ وَحْدَهُ لا شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ. اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ، فَيَا أَيُّهَا الْحَاضِرُونَ، اِتَّقُوا اللهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Allahu Akbar, Allahu Akbar, Allahu Akbar Walillahil Hamd.
Para Jamaah Shalat Idul Fitri anu Mulya,
Puji sareng sukur hayu urang sanggakeun ka Allah SWT, Dzat anu parantos ngalungsurkeun nikmat sarta karunia-Na ka urang sadaya. Shalawat sinareng salam mugia salamina dicurahkeun ka Jungjunan urang sadaya, Nabi Muhammad SAW, utusan anu nyandak rahmat kanggo alam dunya. Khatib wasiat ka diri pribadi sareng ka para jamaah sadaya, hayu urang ningkatkeun katakwaan ka Allah ku jalan ngalaksanakeun sagala paréntah-Na sarta nebihan sagala larangan-Na.Hadirin anu Dirahmati Allah,
Dinten ieu urang sadaya nuju merayakeun kameunangan saatos sasasih lamina nempa diri dina “madrasah” Ramadan, dugi ka urang uih deui kana fitrah anu suci. Nanging, esensi Idul Fitri sanés mung sakadar merayakeun rengsena rasa lapar sareng haus, tapi mangrupi bukti nyata tina kataatan anu tulus ka Allah SWT, anu salajengna kedah diwujudkeun dina kataatan sosial sarta bernegara. Dina kontéks berbangsa, takwa téh nyata dina wujud ngajaga persatuan sarta stabilitas nagara anu urang cintai.Jamaah anu Bagja,
Dina ajaran Islam, kapamingpinan téh sanés mung sakadar jabatan dunya, nanging mangrupi amanah beurat anu bakal dipertanggungjawabkeun di ahérat jaga. Allah SWT parantos ngadawuh dina Surat An-Nisa’ ayat 58:
إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلى أَهْلِها
وَإِذا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ
Hartosna: “Saéstuna Allah maréntahkeun ka aranjeun supaya masrahkeun amanah ka anu hakna, sarta upama aranjeun mutuskeun perkara di antara manusa, kudu mutuskeun kalayan adil.”
Dina jaman modéren anu pinuh ku rupa-rupa fitnah sareng kapentingan global, saurang pamingpin ditungtut kedah gaduh tilu kriteria utama: Adil, Gaduh Élmu, sarta Gaduh Strategi kanggo kamaslahatan balaréa. Pamingpin kedah tiasa ngajaga amanah sarta ngayoman wargana kalayan henteu milih-milih sélér, warna kulit, atanapi agama. Allahu
Akbar, Allahu Akbar, Allahu Akbar Walillahil Hamd.
Para Jamaah anu Mulya
Nagara urang ayeuna nuju nyanghareupan tantangan anu ageung. Aya pangaruh-pangaruh ti luar, boh tina média sosial atanapi ideologi asing anu hoyong mecah belah persatuan urang. Di dieu pisan pentingna ayana sinergi antara pamingpin sareng anu dipimpin. Islam sanés mung nungtut tanggung jawab pamingpin, tapi ogé maréntahkeun kataatan ti warga masarakat ka pamaréntah anu sah sapanjang mawa kamaslahatan. Nanging, kataatan ieu sanés hartosna “taat buta”. Islam masihan lolongkrang kanggo masarakat supados kritis ku jalan Naséhat. Sakumaha dawuhan Rasulullah SAW: “Agama téh nyaéta naséhat… kanggo Allah, Kitab-Na, Rasul-Na, sarta para pamingpin Muslim sareng masarakatna.” Upami urang ningal aya kakirangan dina diri pamingpin, sanggakeun ku cara anu saé, luyu sareng norma sarta étika. Ulah ku cara nyaci maki di ruang publik anu ngan saukur janten bahan kanggo musuh-musuh bangsa ngancurkeun urang ti jero. Jamaah anu Bagja,
Hayu urang perkuat deui tali silaturahmi. Piceun rasa dendam sarta nyeri haté kusabab béda pilihan di mangsa nu tos kalungkur. Urang téh sabangsa sarta sataneuh cai. Hayu urang silih rojong, sanés silih ragragkeun. Pamingpin anu amanah sarta masarakat anu taat mangrupi dua hal anu teu tiasa dipisahkeun kanggo ngahontal nagara anu Baldatun Tayyibatun Wa Rabbun Ghafur.
بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الآيَاتِ وَالذِّكْرِ الْحَكِيمِ. وَتَقَبَّلَ مِنِّي وَمِنْكُمْ تِلاوَتَهُ إِنَّهُ هُوَ السَّمِيعُ الْعَلِيمُ. أَقُولُ قَوْلِي هَذَا وَاسْتَغْفِرُ اللهَ الْعَظِيمَ لِي وَلَكُمْ وَلِسَائِرِ الْمُسْلِمِينَ وَالْمُسْلِمَاتِ، فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.
KHUTBAH KEDUA
اللهُ أَكْبَرُ
(7x
الْحَمْدُ لِلَّهِ حَمْدًا كَثِيرًا كَمَا أَمَرَ. أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ. اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ.
Jamaah anu Mulya,
Mangga urang pungkas ieu ibadah ku ngadu’a ka Allah SWT. Mugia Allah ngajaga persatuan bangsa urang, masihan kakuatan ka pamingpin urang supados tetep amanah, sarta ngalegaan haté urang supados janten warga nagara anu taat sarta masihan kontribusi kanggo kamajengan bangsa.
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ، وَالْمُسْلِمِينَ
وَالْمُسْلِمَاتِ الْأَحْيَاءِ مِنْهُمْ وَالْأَمْوَاتِ. اللَّهُمَّ أَعِزَّ الْإِسْلَامَ وَالْمُسْلِمِينَ، وَاجْعَلْ بَلْدَتَنَا هَذَا آمِنًا مُطْمَئِنَّا وَسَائِرَ بِلَادِ الْمُسْلِمِينَ. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. عِبَادَ اللهِ، إِنَّ اللهَ يَأْمُرُ بِالْعَدْلِ وَالْإِحْسَانِ… فَاذْكُرُوا اللهَ الْعَظِيمَ يَذْكُرْكُمْ، وَاشْكُرُوهُ عَلَى نِعَمِهِ يَزِدْكُمْ، وَلَذِكْرُ اللَّهِ أَكْبَرُ.
